Ég fór í fyrsta sundtímann minn í gær í Grafarvogslaug, en sundskólinn minn heitir Svamli. Skemmti ég mér mjög vel og var voðalega duglegur. Fór ekki einu sinni að gráta í lauginni, kvartaði reyndar kröftulega einu sinni en stóð mig annars eins og hetja. Davíð Goði vinur minn er með mér í sundi og stóð hann sig líka mjög vel. Og vorum við ekkert smá flottir á sundskílunum.

Pabbi var því miður lasinn svo að hann kemur bara með næst. Mamma og pabbi ætla líka að taka þá myndir af mér í sundinu svo að þá fáið þið að sjá hvað ég er flottur sundkappi.

.... kæru frænkur.

Nýjustu meðlimirnir í fjölskyldunni þær Iðunn María og Bergþóra Lind voru skírðar 30. og 31. desember og langaði mig til að segja hjartanlega til hamingju með nöfnin ykkar.

Svo fengu tvíburnarir líka nöfnin sín á Gamlársdag og heita þau Arnór Steinn og Berglind Björt. Voða flott og fín nöfn þar á ferð líka. Til hamingju til ykkar líka.

Þá er víst árið 2006 hafið! Hjómar ansi stórt ... alla vegna að mínu mati. Vonandi hafið þitt átt góð jól og að áramótin hafi gengið friðsamlega um garð hjá ykkur.

Við mamma og pabbi lentum í gærkvöldi og var ég rétt kominn heim um miðnætti og var strax drifinn í náttföt og að fékk pelann minn til að reyna að sofna því að flugið heim var ekki eins þægilegt og flugið út. En á leiðinni út var ég algjör engill og svaf alla leiðina nema að ég vaknað aðeins til að fá mér að borða og spjalla. En aftur á móti á leiðinni heim vaknaði ég á flugvellinum alveg glorsoltinn og var vakandi þangað til um 20 mínútum fyrir lendingu. Grét ég mest allt flugið og vorum við víst fjölskyldan sem allir vonast til að sitja ekki nálægt í vélinni ..... Eins og að gráturinn í vélinni hafi ekki verið nóg ældi ég yfir mömmu svo að bolurinn hennar var alveg rennandi blautur svo að sem betur fer var mamma í öðrum bol undir svo að hún þurfti ekki að sitja blaut alla leiðina heim. Svo þegar ég róaðist fékk ég smá ferskjumauk sem ég var mjög ánægður með. En þegar ég var ekki sáttur lengur spíti ég öllum grautnum sem ég var með í munninum út úr mér og lenti slatti af því í hárinu á stráknum sem sat fyrir framan okkur!!

Ég upplifði mín fyrstu áramót í Danmörku, en tók nú reyndar ekki mikinn þátt í því húllumhæji því að ég grét mest allt kvöldið og tóku mamma og pabbi vaktaskipti með mér inni í herbergi frá klukkan 6 og til 1 eftir miðnætti þegar ég lognaðist út af.

En það var mjög gaman að hitta afa og ömmu og alla frændur mína í Danmörku. Þetta var í fyrsta skipti í 11 ár sem pabbi og bræðurinar hans fimm voru allir á sama stað svo að það var mikið fjör. Mamma var líka að hitta Martin bróðir hans pabba í fyrsta skiptið, og hann var með nýju kærustuna sína líka en hún verður í Grænlandi í 8 vikur við að kenna en hún er að læra að vera kennari. Og við ætlum kannski að reyna að fara að heimsækja þau í langa helgi næsta haust. Það ætti nú að vera mjög gaman því okkur öllum langar að fara til Grænlands.

Núna 12. febrúar er Martin að fara til Íraks og verður hann þar í 6 mánuði. Vonandi líður sá tími hratt og hann verður kominn heill heim áður en við vitum af. Það að vita að hann sé að fara þangað niðureftir flutti stríðið þó nokkuð nær okkur öllu. Kannski ekki beint mér þar sem ég skil ekki alveg hvað er í gangi en ég heyrði mömmu og pabba tala um það!

Núna erum við alveg tilbúin til að bregða okkur til Danmerkur í fyrramálið. Búið að pakka öllu og töskurnar bíða eftir að sér verði lokað í fyrramálið. Við þurfum að vakna klukkan 4:30 og leggja í hann ekki seinna en 5:15 því að vélin okkar fer í loftið klukkan 8 og lendum við í Kaupmannahöfn klukkan 12. Hann Klemens afi ætlar að koma og sækja okkur og verður voðalega gaman að sjá hann of hana Heidi ömmu líka í fyrsta skiptið.

Annars vildi ég óska ykkur öllum farsæls komandi nýs árs.
Knúsikveðjur, Sebastían utanlandsfari

Gleðileg jól kæru vinur og vandamenn. Vonandi eigið þið ánægjulega hátíð og farsælt komandi nýtt ár.

knúsi kveðjur, Sebastían Jóhann

Nú hef ég náð þeim árangri að verða þriggja mánaða gamall.

Hélt ég upp á daginn með því að borða heila krukku af bananamauk .... sem reyndar fór svo ekki nógu vel í mallann minn svo að ætli ég haldi mig ekki frá bönunum um einhvern tíma!!

Þá er fyrsta sprautan mín búin og stóð ég mig mjög svo vel, eða bara alveg eins og hetja eins og mamma og pabbi sögðu. Ég var nú reyndar búinn að fá smá æfingu því að ég fór til ofnæmislæknis fyrr um morguninn og kroppaði hann í mig 8 sinnum til að athuga með bráðaofnæmi fyrir prótíni. Kom það í ljós að ég er ekki með bráðaofnæmi, heldur bara óþol sem er miklu betra því það eldist yfirleitt af krökkum. Ég tók ekki eftir neinu þegar læknirinn var að kroppa í mig, og kvartaði ekki neitt fyrr en hann þurkaði dropana af hendinni minni í lok prófsins.

Svo seinni partinn í gær fór ég í 3ja mánaðaskoðunina og er orðinn 6520 gr og 60,5 cm. Hefur aðeins hægst á mér - ég beygði aðeins út af kúrfunni minni - og vildi hjúkrunarfræðingurinn að ég kæmi í 4ra mánaða skoðun líka því henni fannst aðeins og langt í 5 mánaða skoðunina. Talaði hún og læknirinn um að það hefði sennilega bara hægst á mér svona vegna vesenisins með mjólkina. En að öðru leiti var ég bara mjög svo flottur strákur og allir ánægðir í alla staði með mig.

Í auku krækti ég mér í ælupest í gær og kastaði vel upp, en hún var búin um kvöldmat og svaf ég í um 10 tíma í nótt í staðinn. Var alveg uppgefinn eftir allt erfiðið í gær.

Helstu fréttir annars eru þær að ég er kominn með vegabréf og er því orðinn gjaldgengur fyrir ferðalög. Passinn minn gildir sko í heil fimm ár, það finnst mömmu og pabba algjör brandari!!

Mér virðist liggja þessi reiðinar bísn á að verða stór, því ég er alltaf að sperra mig eitthvað hingað og þangað. Til að mynda er ég ánægðastur ef ég fæ að sitja eða að standa, mesta frúttið er auðvitað að fá að standa :-)

Annars er það helst af mér að frétta að ég hef tekið þá ákvörðun að fara að velta mér! Og hóst sú fyrsta veltiferð í dag og fór ég útaf leikteppinu mínu. Hendin er að vísu fyrir mér þannig að þegar ég sveifla fótunum og næ nógu góðri sveiflu til að komast upp á hliðina, en ég verð ábyggilega fljótur að uppgvöta hvernig ég kemst fram hjá henni.

Svo á morgun fer ég á morgun til ofnæmislæknisins og í 3ja mánaðaskoðun og mína fyrstu sprautu. En meira um það á morgun.

Pabbi fór með mig til læknisins í dag og gaf hann okkur upp upplýsingar um ofnæmislækni sem við eigum að panta tíma hjá fyrir mig til að fá laktósa ofnæmið staðfest. Læknirinn sagði að þetta gæti verið eitthvað sem gæti verið búið um 6 mánaða aldur eða eitthvað sem ég væri með það sem eftir er. Einnig sagði hann pabba að ég ætti bara að fara að borða fasta fæðu til að taka inn næringuna mína, svo á ég að reyna að vera duglegur að drekka soja mjólkina þó svo að mér þykir hún vond. Svo að í kvöld fékk ég slatta af sveskjumauk og mér finnst hann alveg ofboðslega góður. Verður spennandi að fá að vita hvað ég fæ að smakka á morgun :-)

Nýjustu fréttinar af mömmu eru þær að hún er á sýkjalyfjum til að reyna að sporna við sýkingunni sem hún er með í blóðinu og að hún fór aftur í blóðprufu í morgun. Vonandi eru einhverjar jákvæðar breytingar úr henni. Annars sést hún varla heima þessa dagana því að hún er að fara í lokapróf á morgun og býr nánast uppi á Þjóðarbókhlöðu, en ég fæ að hafa hana alveg út af fyrir mig frá og með kvöldinu á morgun. Svo förum við aftur út að labba með Heiðu og Elís Mána á föstudaginn og hlakkar bæði mér og mömmu þó nokkuð til þess en við höfum ekki farið út að labba síðan á miðvikudaginn í síðustu viku.

Og svo er auðvitað hittingur í septemberhópnum okkar á miðvikudaginn og verður ógurlega gaman að hitta allar mömmurnar og krílin aftur. Ætli þau séu ekki orðin ógurlega stór öll saman!

Pabbi talaði við barnalækninn minn í gær og hann sagði okkur að prófa aftur SMA mjólkina sem ég var á fyrst og sjá hvort að ég myndi skila henni eins og Mamex mjólkinni. Ég var sko mjög glaður að fá SMA mjólkina aftur því að mér fannst hún svo ofboðslega góð. Enda var ég mjög duglegur að drekka í gærkvöldi og í morgun, en í morgun kom mjólkin öll til baka í einni gusu svo að staðan er sú núna að eingöngu soja mjólkin tollir ofan í mér. En í staðinn finnst mér hún ógurlega vond og vill helst ekki drekka hana, svo að það er nokkur barátta á milli mömmu og pabba og mín hvað varðar matinn.

Svo fengum við þær leyðindarfréttir áðan að mamma er að öllum líkindum með barnsfararsótt. En hún fór í blóðprufu í gær og voru niðurstöðurnar þær að hún er með einhverja smá sýkingu í blóði sem er að öllum líkindum leifar frá fæðingunni og á hún að fara á sýklalyf til að reyna að sporna við þessu og svo að fara aftur í blóðprufu á morgun.

Ég er sko ekkert sáttur við þetta próf stúss í henni mömmu og vill ekkert að hún sé að lesa heima, svo að alltaf þegar hún gerir tilraun til að lesa fer ég að æsa mig eitthvað svo hún þurfi að sinna mér. Svo að hún tók upp á því að fara og læra á Þjóðarbókhlöðunni fyrir prófið sem hún fer í á fimmtudaginn. Og á morgun og fimmtudag ætlar pabbi að vera heima með mér allan daginn svo að mamma geti lesið.

Mamma talaði við hjúkrunarfræðinginn sem hefur verið með mig í ungbarnaeftiritnu í gær og ræddi við hana að henni finnst ég ekki vera að drekka nóg því að ég er að taka inn mun minna en ég hef verið að gera og hef líka verið að skila heilum helling til baka. Svo að þær ákváðu að ég ætti að koma inn í viktun í morgun sem við gerðum. Á föstudaginn í síðustu viku var ég 6075 gr en núna var ég bara 6080 gr svo að ég hef bara þyngst um 5 gr á einni viku, sem er auðvitað alltof lítið þar sem ég á að þyngjast um 150 gr á viku eða svo.

Svo að hjúkrunarfræðingurinn sagði mömmu að fá tíma niður á Domus Medica fyrir mig til að láta barnalækni athuga með mig, hvort ég sé bara með pest sem gangi yfir eða hvort að ég gæti t.d. verið með bakflæði - en hjúkrunarfræðingurinn minntist einmitt á það. Vonu bara að svo sé ekki!

Í gærkvöldi fékk ég graut að borða, og var voðalega ánægður með það. Ég fékk heilar fjórar barnateskeiðar af graut og smjattaði vel af honum. Mömmu fannst ég ekki vera farinn að fá nóg með eingöngu mjólkinni. Ég er nefnilega orðinn svo gráðugur þegar ég fæ mér mjólk að ég á það til að gleypa hana alla í mig í einu hvelli eingöngu til að hún gúlpist upp úr mér stuttu seinna og ég verðandi svangur eftir smá stund. Enda var ég mjög svo sæll og glaður í gærkvöldi þegar ég var búinn að fá grautinn minn, og svo vel og lengi í nótt. En nýjasta svefnmynstrið mitt er að ég sofna um og uppúr miðnætti og sef til svona átta eða hálf níu. Vonandi að þetta svefnmynstur haldist bara hjá mér.

Ég og mamma og pabbi vildu segja velkomin í heiminn við tvíburana þeirra Ernu og Leifs sem fæddust á föstudagskvöldið. Til hamingju Erna og Leifur með litlu ljósin. Þau eru alveg voðalega sæt.

Og svo líka við litlu frænku mína sem fæddist í morgun á Akureyri. Til hamingju Óli og Eydís með dömuna. Búið er að nefna litlu dömuna og heitir hún Iðunn, svo verður spennandi að fá að vita hvaða millinafn hún fái. Hún er sko algjör prinsessa, Bogga frænka var að senda okkur myndir af henni.

Okkur hlakkar mjög svo til að hitta öll þessi nýju kríli.