Ég lenti í mínu fyrsta, og vonandi seinasta, bílslysi í gærkvöldi. Ég var að keyra með mömmu, pabba og Árna frænda heim úr matarboði og við vorum að fara yfir gatnamót þegar jeppi kom á fleygi ferð og klessti inn í vinstri farþegarhurðina aftan á. Sem vildi svo til að það var hliðin sem ég sat við. Hafði ég verið ný sofnaður eftir nokkuð slæmt magakrampa kast og vaknaði upp hágrátandi og nokkuð reiður líka yfir látunum. Brotnaði glugginn sem var hjá mér svo að ég og bílstóllinn minn vorum allir útataði í glerbrotum. En sem betur fer höfðu mamma og pabbi sett teppið mitt yfir mig svo að ég var að mestu hluinn. Slapp ég mjög svo vel og sér ekki á mér.

Það sem gerðist var að það var eitthvert strákfífl - mamma og pabbi kalla hann miklu strautlegri nöfnum en það - sem svínaði á bíl sem var að keyra í suðurátt, sá sveigði frá til strákfíflinu með þeim afleiðingum að bílinn rakst utan í jeppa sem var á hinni akgreininni, og eftir að hafa rekist á jeppann endaði bílinn á ljósastaur sem kom vel inn í húddið á bílnum. Jeppinn kastaðist á fullri ferð upp á umferðareyjuna og yfir, klessti á okkar hlið áður en hann endaði uppi á gangstétt.

Það var hjúkrunarfræðingur sem stoppaði strax eftir áreksturinn og kom og kíkti til okkar og var hún hjá mér alveg þangað til að sjúkrabílinn kom til að fara með okkur upp á bráðavaktina. En sem betur fer gengu allir út úr bílunum svo að það voru engin mikil eða slæm meiðsli.

Mömmu og pabba mun ekki koma á óvart ef bílinn er dæmdur ónýtur, ætla þau reyndar að fara fram á að fá ekki þennan bíl til baka þar sem hann var bara 2 mánaða og verður aldrei eins og nýr aftur. En vinstra dekkið gekk undir bílinn og það hægra gekk út hinum megin svo að undirvagninn er eflaust mjög skakkur og laskaður.

Ég fékk að sofa inni hjá ömmu og afa í nótt svo að mamma og pabbi gætu hvílt sig alveg án þess að hafa áhyggjur af mér. Og svaf ég bara til 8 í morgun og er amma búin að dúllast með mig síðan, en þar sem mamma og pabbi eru nokkuð aum í bakinu er ekki gott að þau séu að burðast með mig alveg strax.

Á morgun fer ég í homeopathy tíma, eða heilun eins og ég held það heiti á íslensku - er nú samt ekki alveg viss. Pabbi heyrði af því að það geti verið mjög gott fyrir kveisukríli að fara í homeopathy tíma, svo að hann pantaði tíma fyrir mig hjá einum slíkum og prófa ég svo kallaða Bowen tækni sem á að virka vel. Sumir meira að segja verða alveg kveisulausir og eru mamma og pabbi, og auðvitað ég sjálfur, að vona að ég verði einn af þeim krökkum. Maður er víst til í að prófa allt þegar kemur að magakrömpunum mínum, og væri auðvitað frábært að verða alveg krampalaus og losna við magakrampalyfin mín.

Ef þetta virkar ekki ætlum við að prófa að fara til konu sem er bæði höfuðbeina og spjaldhryggs nuddari eða eitthvað álíka. Á hún að líka að geta gert góða hluti þegar kemur að kveisukrílum.

Svo að hver veit, kannski ég verði bara kveisulaus um helgina, það væri nú frábært.

Það eru komnar nýjar myndir inn í myndaalbúmið mitt.

Ég fer bráðum að fara á sundnámskeið. Reyndar byrja ég ekki fyrr en 7.  janúar en við erum búin að bóka mig í ungbarnasund hjá Sundskólanum Svamla í Grafarvogslaug. Og hlakkar mér ekkert smá til að byrja. Svo virðist sem ég verði með einhverjum að krílunum út mömmuhópnum okkur mömmu því að t.d. þá er hann Davíð Goði líka að byrja sama dag og ég. Við virðumst ætla að vera samstíga hvað varðar dagsetningar, því við vorum einmitt fæddir sama dag.

Hjartanlega til hamingju með afmælið Magnea amma.

Hún á afmæl´í dag
Hún á afmæl'í dag
Hún á afmæli Hún Magnea amma
Hún á afmæli í dag

Hjartanlega til hamingju með 50. afmælið afi Baldvin.

Hann á afmæl´í dag
Hann á afmæl'í dag
Hann á afmæli hann Baldvin afi
Hann á afmæli í dag

Eftir nokkra umhugsun ákváðu mamma og pabbi að nefna mig áður en ég verð skírður, svona af því að skírnin mín verður væntanlega ekki fyrr en seinni partinn í nóvember og ekki get ég verið nafnlaus til 2ja mánaða aldurs!

En nafnið sem þau gáfu mér er Sebastían og er ég bara nokkuð ánægður með það.

Nafn þetta er fengið af borginni Sebasta sem var borg í litlu Asíu til forna og merkir nafnið maður frá Sebasta.
Nafnið á borginni er dregið af gríska orðinu sebastos sem þýðir viðkvæmur. Sebastian getur þess vegna líka þýtt "viðkvæmur maður".

Og fallbeygist nafið mitt svona:
Sebastían
Sebastían
Sebastían
Sebastíans

Nýjasti vinur minn er kominn í heiminn. Hann Matthew Stuart fæddist í New York 10. október. Vonandi fáum við tækifæri til að hittast fljótlega.

Mömmu og pabba finnst alveg ótrúlegt að ég skuli vera orðinn 3ja vikna strax og velta mikið fyrir sér hvert tíminn hefur farið. En á sama tíma hlakkar þeim mjög svo til þegar ég verð aðeins eldri og get farið að halda haus alveg sjálfur - en ég stend mig ágætlega í þeim málum svona miðað við aldur, og sitja og þar fram eftir götunum. Ég held að þau séu að bíða eftir að ég fari að gera eitthvað að einhverju ráði ... en annars eru þau nú samt alveg í skýjunum þegar ég brosi framan í þau.

Til hamingju með drenginn Lovísa.

Innilega velkominn í heiminn litli leikfélagi!
 Ég hlakka sko ekkert smá til að hitta þig og leika aðeins við þig. Vonandi gekk allt vel hjá þér og mömmu þinni.