Í gærkvöldi fékk ég graut að borða, og var voðalega ánægður með það. Ég fékk heilar fjórar barnateskeiðar af graut og smjattaði vel af honum. Mömmu fannst ég ekki vera farinn að fá nóg með eingöngu mjólkinni. Ég er nefnilega orðinn svo gráðugur þegar ég fæ mér mjólk að ég á það til að gleypa hana alla í mig í einu hvelli eingöngu til að hún gúlpist upp úr mér stuttu seinna og ég verðandi svangur eftir smá stund. Enda var ég mjög svo sæll og glaður í gærkvöldi þegar ég var búinn að fá grautinn minn, og svo vel og lengi í nótt. En nýjasta svefnmynstrið mitt er að ég sofna um og uppúr miðnætti og sef til svona átta eða hálf níu. Vonandi að þetta svefnmynstur haldist bara hjá mér.

Ég og mamma og pabbi vildu segja velkomin í heiminn við tvíburana þeirra Ernu og Leifs sem fæddust á föstudagskvöldið. Til hamingju Erna og Leifur með litlu ljósin. Þau eru alveg voðalega sæt.

Og svo líka við litlu frænku mína sem fæddist í morgun á Akureyri. Til hamingju Óli og Eydís með dömuna. Búið er að nefna litlu dömuna og heitir hún Iðunn, svo verður spennandi að fá að vita hvaða millinafn hún fái. Hún er sko algjör prinsessa, Bogga frænka var að senda okkur myndir af henni.

Okkur hlakkar mjög svo til að hitta öll þessi nýju kríli.

Litlu krílin þeirra Ernu og Leifs komu í heiminn í dag og vildi ég ásamt mömmu og pabba óska þeim hjartanlega til hamingju með að vera komin í heiminn.
Bíðum spennt eftir myndum.

Skrítið að vera orðinn 9 vikna en að ég varð bara 2ja mánaða á miðvikudaginn eða fyrir tveimur dögum... en vikurnar hittast víst bara svona á.

Annars fór ég í 9 vikna skoðunina mína í dag og er orðinn 59,5 cm og 6045 grömm. Og samkvæmt hjúkrunarfræðingnum er ég voðalega flottur og mannalegur.

Ég er sko orðinn stór strákur, bara orðinn 2ja mánaða í dag.
Og svona í tilefni dagsins var ég nokkuð fínn og héldum við mamma inn í stofu til að taka myndir af mér.

Dagurinn í dag var bara nokkuð góður og leið mér þokkalega vel. Mér tókst loksins að grípa fílinn sem hangir á ömmustólnum mínum með báðum höndum, en var ekki nógu sáttur þegar önnur hending togaði alltaf á móti hinni ... á víst enn eftir að fatta að ég eigi báðar hendurnar!!! en það kemur eflaust fljótlega. Kvöldið hefur ekki verið eins gott hinsvegar og er ég búinn að vera með þónokkuð mikla krampa. Vonandi fara þeir nú að ganga yfir - er sko alveg hrikalega vont að vera með svona krampa.

Jæja þá var ég klukkaður og koma þá 5 staðreyndir um mig:

1. Mér finnst voðalega gott að lúlla á maganum á pabba

2. Mér finnst hafraseyði mjög svo gott

3. Ég á afa og ömmu í Danmörku og hlakkar til að hitta þau fljótlega

4. Mér finnst mjög gott og gaman að fara í sturtu

5. Ég nota skó númer 17

Nú klukka ég Úlf, Jón Halldór, Agötu Vigdísi, Egil og Emilíu Líf

Þá er ég kominn formlega með nafn og heiti ég fullu nafni Sebastían Jóhann Einarsson nokkuð stórt nafn en ég mun alveg geta borið það enda er ég að verða svo stór þessa dagana.

Skírnin mín fór fram heima hjá mér í Grafarvoginum og var hún mjög fín og flott. Séra Hannes Björnsson skírði mig og líkaði mér bara nokkuð vel við hann, en ekki eins vel við skírnarathöfnina sjálfa. Ég lét vel í mér heyra alla athöfnina eða þangað til að það kom að því að skvetta vatni á höfuðið mitt, en þá leið mér rosalega vel - enda finnst mér mjög gaman í baði og þá sérstaklega í sturtu! Enda voru gestirnir mínir farnir að glotta því að alltaf þegar séra Hannes byrjaði á sálmunum eða að tala um Guð byrjaði ég að örga og þurfti séra Hannes að hækka röddina í eitt skipti svo að í honum myndi heyrast yfir mig.

Afi Baldvin hélt á mér undir skírn og var Hildur Hanna systir Jóa hafa og Hrönn systir Sigrúnar ömmu skírnarvottarnir mínir og stóðu þær sig alveg frábærlega og var ég sérstaklega ánægður með þær. Takk kærlega kæru frænkur.

Ég sofnaði að vísu ekki í skírnarkjólnum mínum en var fljótur að sofna hjá Hildur Hönnu þegar ég var búinn að skipta um föt og svaf þar mest alla skírnina mína, mér líður bara alltaf svo vel hjá henni Hildi Hönnu frænku. Mamma var að grínast með að við ættum bara að flytja í bílskúrinn hjá henni því að þá gætum við alltaf farið inn til hennar þegar ég verð órólegur.

Nú ætlar hún mamma að fara að setja inn myndir úr skírninni minni í albúmið og svo koma fleiri myndir seinna af mér í skírnarkjólnum, það vannast ekki tími til að taka góðar myndir af mér í kjólnum þar sem ég var búinn að klæða mig sjálfur úr honum áður en mamma og pabbi vissu af!! 

Vildi ég bara ásamt mömmu og pabba þakka öllum gestunum mínum kærlega fyrir komuna og fyrir allar fallegu gjafirnar sem ég fékk.

Og svo auðvitað fær hann Stígur líka eitt stórt knús frá mér fyrir að taka myndirnar af mér þegar verið var að skíra mig.

Svo í lokin vildi ég segja til hamingju við hann "Lolla litla" en hann var líka skírður í gær og fékk nafnið Jón Halldór. Til hamingju með það kæri vinur.

Alveg hreint ótrúlegt hversu hratt tíminn líður. Nú er ég orðinn 8 vikna í dag, og hlakkar mömmu og pabba mjög svo til að fara með mig í skoðun í næstu viku til að fá að vita hvað ég er orðinn langur og hvað ég hef þyngst mikið því ég er víst farinn að síga vel í.

Annars eru þær fréttir að ég er búinn að ná mér af ælupestinni sem ég fékk, og ekki sænna vænna því það á að skíra mig á morgun. Enda er allt búið að vera á millión hérna á heimilinu í undirbúningi.

Frá og með morgundeginum verðum við mamma og pabbi ekki lengur bara þrjú í kotinu því að amma og afi eru að koma heim frá New York í fyrramálið og hlakkar mig mjög svo til að sjá þau aftur. Húsið svolítið skrítið svona tómt, enda er líka alltaf gott að hafa tvær auka manneskjur til að knúsa sig.

Annars er allt gott að frétta. Helgin gekk vel fyrir sig og er ég búinn að vera þokkalega góður. Fór með pabba í vinnuna í dag og sló algjörlega í gegn hjá samstarfsfélögunum hans - enda ekki á hverjum degi sem þeir hitta flottasta guttann á landinu! Ég hafði sko mikið til málanna að leggja að pabbi þurfti að fara með mig á rúntinn í eitt skipti svo að ég talaði ekki alveg svona mikið og að þeir fengju vinnufrið en fyrir utan það var ég algjör engill.

Þá er fyrsti hittingurinn afstaðinn og vorum við 11 sem mættum. Og var svo sannarleg mikið för og mikið gaman, enda var alltaf eitthvert af okkur litlu krílunum með tónleika og stundum fleiri en eitt. En það má nú segja að við strákarnir vorum duglegri við að halda tónleika heldur en stelpurnar, og þá sérstaklega ég Davíð Goði og "stóri prins" hennar Heiðu. Enda erum við með nokkuð sterk lungu. Dömurnar voru nú heldur prúðari heldur en við!

Það var sko gaman að hitta ykkur öll og hlakkar bæði mér og mömmu til að hitta ykkur í Desember.

Myndirnar eru komnar á myndaalbúmið.

Hjartanlega til hamingju með fyrsta afmælisdaginn elsku Úlfur
Vonum að þú eigir eftir að eiga alveg frábæran dag

Hlökkum til að sjá þig á eftir
Knús knús, Sebastían