Í bíl með pabba á leiðinni á leikskólann.
Sebastían: Svalinn minn er búinn.
Pabbi: Duglegur.
Sebastían: Viltu opna gluggann?
Pabbi: Já, ekkert mál. Og opnar gluggann hjá Sebastían.
- þögn í smá stund í aftursætinu og svo sér pabbinn appelsínugulafernu fjúga út um gluggann!
Pabbi: Það má ekki henda rusli út um gluggann!
Sebastían: Afi segir mikið rusl í pabba bíl!
12. júní 2008

Í bíl með mömmu og ömmu á leið í Einar Farestveit.
Sebastían: Ha! Pabbi farí sveit ... ég vill líka fara í sveit.
9. júní 2008

Legið uppi í rúmi með mömmu, pabba og litlu systur.
Sebastían snýr sér að litlu systur og leggur hendurnar yfir hana og gefur henni gott knús og segir: Þetta er allt í lagi kallinn minn!
14. maí 2008

Að príla í rúminu sínu heima, dettur or rekur upp org.
Mamma kemur hlaupandi og spyr: Hvað kom fyrir?
Sebastían: Ég datt!
Mamma: hvar meiddirðu þig?
Sebastían: Í lendingunni minni!
1. maí 2008

Á leikskólanum Sólgarði að klæða sig til að fara heim.
Sebastían: hvað er þetta?
Mamma: þetta er smella
Sebastían: mella. ´Battían með mellu!
Svo gengur Ingimar fram hjá með annari fóstru á leið í kaffi úti.
Sebastían: Mamma, Imbigi (Ingimar) er með mellu!!
Janúar 2008

Á Akureyri í forstofunni hjá langömmu og langafa. Langamma rúllar oft up blaði og stingur í lúguna til að hleypa lofti inn í andyrið. Stöndum þar öll og erum að búa okkur til við að fara út. Sebastían búinn að vera að sniglast þarna í kringum lúguna og alltaf að pota aðeins þrátt fyrir að vera sífellt beðinn um að gera þetta ekki. Dregur svo blaðið úr svo að það smelli í lúgunni.
Mamma: Sebastían, hvað varstu að gera?
Sebastían: - hendir blaðinu í burtu og horfir sakleysislegum augum á alla í forstofunni - ekki neitt!
Júlí 2007

Var að sniglast með ömmu á meðan hún var að taka til fötin sín fyrir daginn eftir, greip brjóstahaldarann hennar og skellti honum á hausinn og kallaði húfa. Var voðalega góður með mig. 
26. apríl 2007