Kominn tími til!

Þá er nú loksins kominn tími til þess að hún mamma setjist niður og bloggi hjá mér, en það hefur hún ekki gert síðan í júlí. Henni finnst að vísu tíminn hafa liðið svo rosalega hratt undanfarið og eins og það sé alltaf sunnudagur hjá okkur. En það sem á daga mína hefur drifið undanfarið er þetta:

Í júlí var jú hann afi Klemens hjá okkur að steypa upp alla veggina í húsinu, svo kom hún Heidi amma og lét við mig í nokkra daga. Það var jú voða gaman að fá þau í heimsókn. En ég var líka í fríi frá leikskólanum í allan júlí og vorum við mamma endalaust á flakki við að redda hlutum hingað og þangað fyrir steypunina.

Í ágúst fór ég aftur í leikskólann og mamma í vinnuna. Svo fór hún mamma með ömmu til New York borgar í helgarferð.

Í september fór ég með mömmu og pabba til Danmerkur til að fara í brúðkauð hjá Martin frænda og Stine. Það var voðalega gaman því að þá fékk ég að hitta afa Klemens og ömmu Heidi og svo sáum við loksins Emiliu Rute frænku en hún verður eins árs núna í október. Rosa sæt lítil frænka. Ég var alveg rosalega prúður í brúðkaupinu og var það á allra vörum, enda var ég ekkert smá sætur með bindi og alles. Leiðin heim var því miður ekki skemmtileg þar sem ekki var hægt að leggja á réttum tíma af stað frá sumarhúsinu svo að við enduðum með að gluða upp til Ebeltofte til að reyna að ná ferjunni sem við misstum svo af með nokkrum mínútum og enduðum í alltaf of langri keyrslu til Köben aftur í staðinn. Náðum jú á flugvöllinn í tíma og komumst því heim á réttum degi. Einnig fór hún mamma aftur til New York borgar, en í þetta skiptið með Sunnu og Jóhönnu. Var víst gífurlega gaman hjá þeim. Mér fannst aftur á móti ekki eins gaman og var frekar fúll við mömmu. Og endaði það þannig að rúmið hennar og pabba var bara pabba rúm og er það þannig enn í dag!
Svo átti ég líka afmæli í september, og er orðinn 2ja ára! Ekkert smá stór. Fyrst hélt ég upp á afmælið mitt á settum degi, en þá komu bara krakkar til mín. Var alveg hörkustuð og þvílík sykurvíma, úff ég gjörsamlega skoppaði af veggjunum. Og svo helgina eftir var ég með fjölskylduboð. Einnig fór ég í viktum í september og reyndist vera 87 cm og 12420 grömm. Svo að það þýðir heilt kíló og 6.5 cm síðan í apríl. Ekki amarlegt það, enda hætti ég á tímabili að passa í flest allar buxurnar mínar.

Október hefur svo farið nokkuð vel af stað, en pabbi og afi eru að byrja á þakinu okkar en afi Klemens kemur á laugardaginn og verður hjá okkur í um vikutíma eða svo. Það verður nú gaman! Svo að það er vonandi að þeim takist að klára þakið í október því að gluggarnir eiga að fara að koma um miðjan nóvember og þá er húsið bara orðið fokhelt. Mömmu hlakkar ógurlega til í að fá að sjá húsinu lokað, fá að sjá svona endanlega mynd á því. En það verður líka mikill munur að fara að geta unnið innanhús og losað okkur við gáminn sem stendur á lóðinni hjá okkur og er notaður sem vinnuskúr.
Svo eignaðist ég litla frænku þann 6. Er víst alveg nóg af krílum á leiðinni hjá okkur, Edda frænka kemur með dömu í febrúar, Sóla frænka er líka sett í febrúar svo ein frænka í viðbót. Svo er Eydís sett í apríl. Verður sko alveg nóg að gera hjá okkur á næsta ári.

En þetta held ég að séu allar fréttirnar mínar. Alla vegna svona í flýti.